Na última semana, antes das vacacións, rematouse coa montaxe da impresora e fixemos as primeiras probas co extrusor e imprimindo algunha peza.

No extrusor quedaba pendente de montar o hotend porque necesitabamos colocar unha peza para encher o oco do extrusor xa que o hotend era dos planos. Para conseguir a peza, solicitamos axuda ós veciños do CPI Alcalde Xosé Pichel de Coristanco para que coa súa Imprusiño nos fabricaran a peza, cousa que lles agradecemos e deixamos constancia de que unha parte da Prusabrañas foi elaborada pola súa impresora. Este foi o resultado.

Hotend coa peza acoplada

Colocado o hotend, tan solo faltaban os finais de carreira, axustar algún parafuso e iniciar o proceso de proba de funcionamento (eran momentos de certa tensión). Con todo aquel caos de cables, que máis adiante haberá que ordenar, a Prusabrañas ten este aspecto.

A primeira proba foi ver se funcionaba o hotend, con resultado positivo, saía o plástico de forma correcta, logo pasamos a facer unha peza, ahí xa empezaron a verse cousas raras como era o desprazamento de capas e liñas fora do sitio. Haberá que ver cal é o problema e seguir coa posta a punto. Estes foron os resultados, preme na imaxe para ver o vídeo:

A volta das vacacións poñeremonos de novo co proxecto, agora toca descansar.

Este Xoves non poidemos reunirnos para continuar co traballo da impresora, por culpa dos exames, sí o fixemos na semana pasada e nese día  fíxose a montaxe de toda a estructura e arranxaronse algúns problemas e detalles da montaxe que non estaban colocados de forma correcta, como pasaba no eixe X que se movía con moita dificultade porque rozaba na peza que van os rodamentos, pero unha vez eliminado ese roce xa se deslizaba mellor. O final fixose unha proba do funcionamento dos motores manexados coas ordes mandadas dende o programa do ordenador, respondendo moi ben.

Agora, para a próxima reunión, queda colocar o hotend no extrusor, que non foi colocado porque queremos acoplar unha peza cilíndrica no oco do extrusor, pois o hotend que temos é dos planos; para logo probar o resto dos compoñentes para ver como funciona toda impresora en conxunto. Ata o momento non houbo grandes problemas, xa veremos como vai o resto da montaxe e o funcionamento.

Imaxe da montaxe da impresora ata o momento.